Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 49 Hüküm no: 12 Orijinal metin no: [4b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin vasî üzerine nâzır atadığı Hâkim-i muvakki‘-i alâ hâze’l-kitâb bi tevkī‘ihi’ş-şerîfi’l-müstetâb, hâmil-i hâze’l-kitâb İshak Kulu b. Veli’yi, hâl-i hayâtında mahalle-i mezkûrede sâkin iken bundan akdem vilâyet-i Rumeli-i ma‘mûrede vâki‘ Karasu kasabasında fevt olan merhûm Şaban Beşe’nin Saliha ve Ayşe nâm sagīre kızlarına kıbel-i şer‘den mansûb vasî olan Hatice Hâtun bt. ( )’nu üzerine nâzır-ı hasbî nasbetti ki vasîyy-i mezbûr bundan sonra nâzır-ı merkūmun re’y ve ma‘rifeti olmadan umûr-ı vesâyetle alâkalı husûslarda tasarruf etmeyecektir. Mezbûr İshak da nezâret-i merkūmeyi kabûl edip hidemât-ı lâzimesini üzerine aldı. Cerâ zâlike ve hurrire fi’l-yevmi’s-sâdis aşere min şehri Zilhicce eş-şerîfe sene isneteyn ve erba‘în ve elf. Şuhûdü’l-hâl: Hüseyin b. Veli, Veli b. Lütfi, Mehmed b. Mahmud, el-Hâc Mehmed ve gayruhüm