Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 50 Hüküm no: 13 Orijinal metin no: [4b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Babaları ölen Mehmed ve Yahya adlı küçüklere nafaka takdir edildiği Hâkim-i muvakki‘-i alâ hâze’l-kitâb bi tevkī‘ihi’ş-şerîfi’l-müstetâb, bundan akdem mahmiye-i Kostantıniyye mahallâtından Baba Hasan mahallesinde fevt olan Mahmud b. Mehmed’in Mehmed ve Yahya nâm sagīr oğullarının nafaka, kisve ve sâir havâic-i zarûriyeleri için, himâye ve terbiyesi altında bulundukları bâ‘ise-i hâze’l-kitâb Fâtıma bt. Süleyman nâm annelerinin talebiyle, müteveffâ-i mezbûr babalarından irs-i şer‘le kendilerine intikāl eden emvâlden alınmak üzre zeyl-i kitâbda mezkûr târihden i‘tibâren her birine üçer akçe olmak üzre yevmî râyicü’l-vakt altı akçe farz ve takdîr etti. Hâkim-i mûmâ ileyh ilâveten vakt-i hâcette istidâne edip meblağ-ı mefrûzu sagīreyn-i merkūmeynin havâicine sarf etmeye ve vakt-i zaferde rücû‘ etmeye mezbûre Fâtıma’ya izin verdi. Cerâ zâlike ve hurrire fi’l-yevmi’l-hâmis aşere min şehri Zilhicce eş-şerîfe min şuhûri sene isneteyn ve erba‘în ve elf. Şuhûdü’l-hâl: El-Hâc Mehmed b. Abdullah er-Râcil, el-Hâc Lütfullah b. Abdullah, Mehmed Halîfe el-Kayyım, Mehmed Çelebi b. Abdullah el-Kâtib, Dilaver Çavuş b. Abdullah, Hüseyin Efendi b. Mustafa el-kadı, Yusuf Bey b. Abdullah, Mansur b. Abdullah ve gayruhüm