Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 50 Hüküm no: 14 Orijinal metin no: [4b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin vasî üzerine nâzır atadığı Hâkim-i muvakki‘-i alâ hâze’l-kitâb bi tevkī‘ihi’ş-şerîfi’l-müstetâb, bâ‘is-i hâzihi’l-vesîka Ahmed Beşe b. Mehmed er-Râcil nâm kimesneyi, bundan akdem Dârü’s-saltanati’s-seniyye mahmiye-i Kostantıniyye mahallâtından Baba Hasan el-Alemî mahallesinde fevt olan Mahmud b. Mehmed nâm müteveffânın Mehmed ve Yahya nâm sagīr oğullarının tesviye-i umûruna ve hıfz-ı ahvâl ve kendilerine müteveffâ-i mezbûr babalarından irs-i şer‘le intikāl eden emvâlin zabtına, ihtiyâçlarına binâen kıbel-i şer‘den mansûb vasî olan Fâtıma Hâtun bt. Süleyman nâm hâtun üzerine nâzır-ı hasbî nasbetti ki ki vasîyy-i merkūme bundan sonra nâzır-ı merkūmun re’y ve ma‘rifeti olmadan umûr-ı vesâyetle alâkalı husûslarda tasarruf etmeyecektir. Mezbûr Ahmed Beşe de nezâret-i merkūmeyi kabûl edip hizmet-i lâzimesini edâyı ta‘ahhüd etti. Cerâ zâlike ve hurrire fi’l-yevmi’s-sâdis aşere min şehri Zilhicce eş-şerîfe min şuhûri sene isneteyn ve erba‘în ve elf. Şuhûdü’l-hâl: El-Hâc Mehmed b. Abdullah, el-Hâc Lütfullah b. Abdullah, Mehmed Halîfe el-Kayyım, Mehmed Çelebi b. Abdullah ve gayruhüm