Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 55 Hüküm no: 18 Orijinal metin no: [5b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali Beşe b. Abdullah’ın, oğlu Bâli Bey b. Ali Beşe’yi vekil ettiği Udûlden Abdurrahman b. Mehmed ve Ali Bey b. Kasım nâm kimesneler meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzırân olup, Ali Beşe b. Abdullah nâm kimesnede karz-ı şer‘î cihetinden tâmmü’l-vezn sahîhu’l-ayâr üç yüz dinar alacakları olduğunu iddi‘â eden ve babamız hâl-i hayâtında zeyilde mezkûr târihden yirmi beş sene mukaddem meblağ-ı merkūmu müdde‘â aleyh-i mezbûra ikrâz etmiş o da istikrâz etmişdi; babamızın vefâtından sonra meblağ-ı merkūm bize intikāl etti diyen bundan akdem hâlik olan Aloni nâm kimesnenin Delımadlı Zamandali ve Yorgali nâm zimmî evlâdı mahzarında, müdde‘â aleyh-i mezbûrun sulbî oğlu hâmil-i hâze’l-kitâb Bâli Bey b. Ali Beşe’den sâdır olan da‘vâ-i sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müdde‘â aleyh-i merkūm bizim yanımızda lehine şâhidlik yapılan oğlu mezbûr Bâli Bey’i, müdde‘iyyeyn-i merkūmeyn ile olan husûmetine ve redd-i cevâba ve hükkâm-ı zevi’l-efdâl huzûrunda murâfa‘aya vekîl eyleyip nefsine nâib kıldı. O da vekâlet-i mezbûreyi kabûl edip hidemâtını üzerine aldı. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın mûcibince hükmedildi. Cerâ zâlike ve hurrire fi’l-yevmi’s-sâbi‘ aşere min Zilhicce eş-şerîfe sene isneteyn ve erba‘în ve elf. Şuhûdü’l-hâl: Hüseyin b. Ahmed, el-Hâc Abdurrahman b. Ahmed, Ali Beşe b. Hasan mumcu, Mansur b. ( )