Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 64 Hüküm no: 25 Orijinal metin no: [7b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Bayram’ın bir miktar parasını vedîa olarak bıraktığı kimsenin ölmesinden sonra bunu terekeden talep ettiği Udûlden Şaban Beşe b. Ahmed ve Mehmed Beşe b. İbrahim nâm kimesneler meclis-i şerî‘at-i şerîfe-i garrâ ve mahfil-i tarîkat-i münîfe-i zehrâda hâzırân olup, babası bundan akdem vefât eden İbrahim b. Osman nâm sagīre kıbel-i şer‘den mansûb vasî olan ve müteveffânın muhallefâtına vâzı‘-ı yed olan Şaban Beşe b. Mustafa nâm kimesne mahzarında, Ali b. Behrâm nâm kimesneden sâdır olan da‘vâ-i sahîha-i şer‘iyyede gıbbe’l-istişhâd şöyle şehâdet ettiler ki, lehine şâhidlik yapılan müdde‘î-i mezbûr bizim yanımızda müteveffâ-i merkūma vedî‘a tarîkiyle üç yüz riyâl sikke-i harbiyye-i fıddiyye verdi. O da hâl-i hayâtı ve kemâl-i sıhhatinde cemî‘-i meblağ-ı mezbûru kabz etti. Hâl-i mechûl olarak fevt oldu ve meblağ-ı mezbûr üzerinde deyn kaldı. Elân müdde‘î-i mezbûrun, meblağ-ı mezkûru terekesinden taleb etmeye hakkı vardır. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın ba‘de’t-tahlîfi’ş-şer‘î mûcibince hükmedildi. Cerâ zâlike ve hurrire fi’l-yevmi’l-ışrîn min Zilhicce eş-şerîfe sene isneteyn ve erba‘în ve elf. Şuhûdü’l-hâl: Fahrü’l-akrân Yusuf Ağa muhzırbaşı, Yahya b. Zekeriya el-muhzır, İskender b. Şaban el-muhzır, Kurd b. Hasan