Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 65 Hüküm no: 28 Orijinal metin no: [8a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Bey b. Ali’nin sattığı sabun bedelinden müteveffâ İbrahim’in terekesinde alacağı olduğu Udûlden, mahmiye-i Kostantıniyye mahallâtından Haraccı mahallesinde sâkin olan Şaban b. Mehmed ve Üsküblü mahallesinde sâkin olan İbrahim b. Mehmed nâm kimesneler meclis-i şer‘-i şerîf ve mahfil-i dîn-i münîfde hâzırân olup, hâkim-i lehû nasbu’l-ensâb kıbelinden, babası bundan akdem vefât eden İbrahim b. Osman Beşe nâm sagīre tesviye-i umûru için kıbel-i şer‘den mansûb vasî olan ve müteveffâ-i mezbûrun muhallefâtına vesâyet-i mahkiyyesi hasebiyle vâzı‘-ı yed olan ve husûs-ı âtiyyü’z-zikri münkir bulunan Ali b. Behrâm nâm kimesne mahzarında, hâmil-i hâze’l-kitâb Mehmed Bey b. Ali el-Cündî nâm kimesneden sâdır olan da‘vâ-i sahîha-i şer‘iyyede gıbbe’l-istişhâd şöyle şehâdet ettiler ki, lehine şâhidlik yapılan müdde‘î-i mezbûrun, müteveffâ-i merkūmun zimmetinde müşterâ-i makbûz sabun bahâsından râyicü’l-vakt bin dört yüz akçe lâzımü’l-edâ alacağı vardır. Elân müdde‘î-i mezbûrun, meblağ-ı merkūmu tereke-i vâfiyeden taleb etmeye hakkı vardır. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın ba‘de’t-tahlîfi’ş-şer‘î mûcibince hükmedildi. Cerâ zâlike ve hurrire fi’l-yevmi’s-sânî ve’l-ışrîn min Zilhicce eş-şerîfe sene isneteyn ve erba‘în ve elf. Şuhûdü’l-hâl: İskender Bey b. Şaban, el-Hâc Behrâm b. ( ), Kurd b. Ali, Hasan b. Hüseyin