Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 67 Hüküm no: 30 Orijinal metin no: [8a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İlyas Beşe b. Yusuf’un eşi Aişe bt. Hasan’a olan borcunu ödemesi Mahmiye-i İstanbul’da Mimar Şucâ‘ mahallesi sâkinelerinden Aişe bt. Hasan nâm hâtun meclis-i şer‘-i hatîr-i lâzımü’t-tevkīrde, hâlâ zevci olan İlyas Beşe b. Yusuf nâm râcil mahzarında üzerine takrîr ve da‘vâ edip, zevcim mezbûr İlyas Beşe zimmetinde cihet-i karz-ı şer‘îden on bin nakd-i râyic fi’l-vakt akçe hakkım vardır suâl olunup alıverilmek matlûbumdur dedikde, gıbbe’s-suâl mezbûr İlyas Beşe cevâbında, fi’l-vâki‘ zevcem mezkûre Aişe’ye zimmetimde cihet-i karz-ı şer‘îden on bin nakd-i râyic fi’l-vakt akçe lâzımü’l-edâ ve vâcibü’l-kazâ deynim vardır deyü bi’t-tav‘i’s-sâf ikrâr ve i‘tirâf etmeğin, edâsıyla ilzâm olunup, mâ hüve’l-vâki‘ bi’t-taleb ketb olundu. Tahrîren fî evâhir Zilhicceti’ş-şerîfe li sene isneteyn ve erba‘în ve elf. Şuhûdü’l-hâl: Mustafa Beşe b. Zülfikar kolcu el-Mübâşir, İskender b. Şaban, Yusuf b. Şaban, Kurd b. Hasan ve gayruhüm.