Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 81 Hüküm no: 48 Orijinal metin no: [11a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Doğan çocuğunun nesebinin müteveffâ babasına ait olduğunun sübûtu Dâru’l-hilâfeti’l-aliyye mahmiye-i Kostantıniyye mahallâtından Elvânzâde mahallesinde sâkine olan el-Hâcce Meryem Hâtun bt. Seyyid Mehmed nâm hâtun, meclis-i şerî‘at-i şerîfe-i garrâ ve mahfil-i tarîkat-i münîfe-i zehrâda -sânehallâhu te‘âlâ ani’l-be’sâi ve’d-darrâi- hâzıra olup, bundan dört ay önce mahalle-i mezbûrede sâkin iken fevt olan Hasan Beşe b. Abdullah nâm merhûmun kızı ve vârisi olan ve ayrıca müteveffâ-i merkūm babasının muhallefâtına vâzı‘a-i yed olan ve husûs-ı âtiyyü’z-zikri münkire bulunan Fâtıma nâm hâtun mahzarında, müteveffâ-i mezbûrun zevce-i metrûkesi ve hâzır bi’l-meclis Hasan nâm sagīr oğluna kıbel-i şer‘den mansûb vasî olan Kerime Hâtun bt. Osman nâm hâtundan sâdır olan da‘vâ-i sahîha-i şer‘iyyede gıbbe’l-istişhâd şöyle şehâdet ettiler ki, işbu sagīr-i mezbûr, müteveffâ-i merkūmun sulbî oğludur. Zeyilde mezkûr târihden dokuz gün önce mesfûre Kerime Hâtun’un batnından doğmuştur. Sagīr-i merkūm annesinden doğduğunda kadınlar orada olup buna muttali‘ oldular. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın hâkim veled-i mezbûrun müteveffâ-i merkūmun sulbî oğlu olduğuna şehâdetleri mûcibince hükmetti. Cerâ zâlike ve hurrire fi’l-yevmi’s-sâdis ve’l-ışrîn min Zilhicce eş-şerîfe sene isneteyn ve erba‘în ve elf. Şuhûdü’l-hâl: Fahrü’l-akrân Yusuf Ağa b. Kadı reisü’l-muhzırîn, İskender b. Şaban, Kurd b. Hasan, Mehmed b. Ali