Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 107 Hüküm no: 82 Orijinal metin no: [17a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hayrünnisa Hatun bt. Yusuf’un, mirasçısı olmadığı zannıyla muhallefâtına el konulan râcil Hızır Beşe b. Mahmud’un annesi ve vârisi olduğu Udûlden, mahmiye-i Kostantıniyye mahallâtından Tercüman mahallesi ahâlîsinden Kurd Bey b. Abdünnebî el-Haffâf, Derviş Ali mahallesinden Haydar b. Abdullah ve Yeniçeriler? mahallesinden Hüseyin Bey b. Abdullah nâm kimesneler meclis-i şerî‘at-i şerîfe-i garrâda hâzırûn olup, mahmiye-i merkūmede vâki‘ râcilin tâifesine mahsûs beytülmâlin emîni olup mahmiye-i merkūme mahallâtından Camcılar mahallesinde sâkin iken bundan akdem fevt olan otuz dokuzuncu yayabaşılar bölüğünden Hızır Beşe b. Mahmud er-Râcil’in muhallefâtına vâris-i ma‘lûmu olmadığı zannıyla emânet-i mahkiyyesi hasebiyle vâzı‘-ı yed olan fahrü’l-eşbâh Mehmed Ağa b. İlyas nâm hasm-ı câhid mahzarında, bâ’ise-i kitâb Hayrünnisa Hâtun bt. Yusuf’dan sâdır olan da‘vâ-i sahîha-i şer‘iyyede gıbbe’l-istişhâd şöyle şehâdet ettiler ki, müdde‘iyye-i merkūme, müteveffâ-i mezbûr Hızır Beşe’nin annesi ve vârisidir. Verâseti ona münhasırdır; ondan başka vâris ve terekesine müstahık kimesne ma‘lûmumuz değildir. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcibince müdde‘iyye-i merkūmenin verâsetine ve emîn-i mezkûrun muhallefât-ı mezbûreden kasr-ı yedine hükmedildi. Cerâ zâlike ve hurrire fi’l-yevmi’r-râbi‘ aşere min şehri’l-Muharremi’l-harâm min şuhûri sene selâse ve erba‘în ve elf. Şuhûdü’l-hâl: Ahmed Bey b. Abdullah er-Râcil, Yusuf Beşe b. Abdullah er-Râcil, el-Hâc Mustafa b. Abdullah, Mehmed Efendi b. Mustafa el-İmâm, Ahmed Çelebi b. Ali,