Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 130 Hüküm no: 108 Orijinal metin no: [21b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühani bt. İlyas’ın kocası Ali b. Abdullah’tan muhâlaa yoluyla boşandığı Dâru’l-hilâfeti’l-aliyye mahmiye-i Kostantıniyye mahallâtından Mahmud Paşa mahallesinde sâkine olan Ümmühâni bt. İlyas nâm hâtun meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzıra olup hâmil-i hâze’l-kitâb Ali b. Abdullah nâm zevci ile muhâla‘a yaptı. Zevc-i mezbûr da nikâhında ma‘kūdun aleyh olan râyicü’l-vakt altı bin akçe mehr-i müecceli, nafaka-i iddet-i mefrûzası ve meûnet-i süknâsından ferâgati üzre zevcesi ile hul‘ eyledi. Zevce-i merkūme bu sûretle yeni bir mehir ödenmeden ve akd-i nikâh yapılmadan helâl olmayacak şekilde zevc-i mezkûrundan ayrılmış oldu. Son her biri cemî‘-i de‘âvî, mutâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile kātı‘an li’n-nizâ‘ ve hâsimen li-mâddeti’ş-şikāk, ibrâ eyledi. Cerâ zâlike ve hurrire fi’l-yevmi’l-hâdî aşere min Saferi’l-hayr sene selâse ve erba‘în ve elf. Şuhûdü’l-hâl: El-Hâc Mustafa b. Abdullah, el-Hâc Mehmed b. Abdullah, Mehmed Beşe b. Abdullah ve diğer Mehmed Beşe b. Abdullah, Mehmed Beşe b. Yusuf, Yusuf Beşe b. Abdullah