Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 138 Hüküm no: 118 Orijinal metin no: [23a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aişe bt. Mehmed’in Ahmed Çelebi b. Mehmed Sadık’ın sandığından bazı mücevherlerini aldığını kabul ettiği İşbu hâmilü’l-kitâb Ahmed Çelebi b. Mehmed Sadık meclis-i şer‘-i hatîr-i lâzımü’t-tevkīrde, Aişe bt. Mehmed nâm hâtun mahzarında üzerine takrîr-i da‘vâ edip, bundan akdem mezbûre mahmiye-i İstanbul’da Atmeydânı kurbunda sâkin olduğum menzilim dâhilinde bir mukaffel sandık içinden her miskāli bir altın kıymetli yirmi miskāl bir çift altın bilezik ve bin beş yüz akçe kıymetli bir altın la‘l hâtem ve her biri yüzer akçe kıymetli biri dokuma biri münakkaş iki makra[ma]mı ahz eylemişdir, suâl olunup mûceb-i şer‘îsi ricâ olunmak matlûbumdur dedikde, gıbbe’s-suâl mezbûre Aişe cevâbında, fi’l-vâki‘ eşyâ-i mezkûreleri ahz eyledim deyü bi’t-tav‘i’s-sâf ikrâr ve i‘tirâf etmeğin, mâ hüve’l-vâki‘ bi’t-taleb ketb olundu. Tahrîren fi’l-yevmi’l-ışrîn mine’l-Muharremi’l-harâm li sene selâsin ve erba‘în ve elf. Şuhûdü’l-hâl: Fahrü’l-akrân Yusuf Ağa b. Kadı reisü’l-muhzırîn, Veli Bey b. ( ), Mehmed Beşe b. ( ), Yusuf Beşe b. ( ), Ali b. Abdullah, Osman Efendi el-İmâm, Abdullah Halîfe b. ( ) el-Müezzin, Ömer Çelebi b. Abdullah.