Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 165 Hüküm no: 157 Orijinal metin no: [29b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sekbanbaşılıktan münfasıl Ahmed Ağa’nın evini bey‘ bi’l-istiğlâl ile ellinci ağa bölüğü odası için tesis edilen nakit vakfına sattığı Mahmiye-i Kostantıniyye’de vâki‘ Avrat Pazarı kurbundaki İğneci? mahallesinde sâkin olan sekbanbaşılıktan münfasıl fahrü’l-emâcid ve’l-a‘yân Ahmed Ağa kıbelinden âtiyyü’z-zikr ikrâr-ı bey‘a, kabz-ı semene sonra istîcâra hasm-ı şer‘î mahzarında vekâleti Mustafa b. Şaban ve Ali Beşe b. Abdullah’ın şehâdetleri ile sâbit olan vekîl Abdülgaffâr b. Mehmed meclis-i şerî‘at-i şerîfe-i garrâda hâzır olup, müvekkil-i mûmâ ileyhinin, işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, mahalle-i merkūmede vâki‘, dâhilî ve hâricî avlulu, dâhilî avlusu tahtânî iki beyti, mutfağı, su kuyusunu ve bahçeyi müştemil olan, hâricî avlusu fevkānî iki beyti, ahırı, selâmlığı hâvî bulunan, bir tarafdan müvekkil-i mûmâ ileyh mülkü, diğer tarafdan mîrî kethüdâsı Mustafa Ağa mülkü, öteki tarafdan Mehmed Efendi el-kadı mülkü, diğer tarafdan da tarîk-i âm ile mahdûd olan cemî‘-i menzilini cümle hudûdu ile râyicü’l-vakt yüz bin akçe semen-i mu‘ayyen-i makbûzla, mahmiye-i merkūmede vâki‘ ellinci ağa bölüğü odası mühimmâtı için vakfedilen nukūda mütevellî olan hâfız-ı kitâb Osman Bey b. Ali’ye bey‘ ettiğini bi’l-vekâle ikrâr ve i‘tirâf etti. Müvekkil-i mûmâ ileyhin menzil-i mezbûru mütevellî-i merkūmdan icâreye almak istemesi üzerine mütevellî-i müşârun ileyh, ba‘de’t-tahliye-i şer‘iyye, zeyilde mezkûr ayın gurresinden bir sene tamâmına on beş bin akçe ücret-i kirâ ile menzil-i mezkûru icâreye verdi. Vâki‘ ikrâr, mütevellî-i merkūm tarafından vicâhen ve şifâhen tasdîk edildi. Cerâ zâlike ve hurrire fî evâsıtı Rebî‘ilâhir sene selâse ve erba‘în ve elf. Şuhûdü’l-hâl: Ali Beşe b. Yusuf odabaşı, Mehmed Beşe b. Abdullah …?, Ali Beşe b. Abdullah el-müteferrika, Mustafa Beşe b. Abdülkādir er-Râcil, Piyâle Çavuş b. Abdullah