Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 166 Hüküm no: 159 Orijinal metin no: [30a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Reisülküttâb-ı sâbık Mustafa Efendi’nin Mehmed ve Abdullah adlı küçük çocuklarının vasîsinin değiştirildiği Bundan akdem mahmiye-i Kostantıniyye mahallâtından Kalenderhâne mahallesinde fevt olan reisülküttâb-ı sâbık merhûm Mustafa Efendi’nin Mehmed ve Abdullah nâm sagīreyn oğullarının tesviye-i umûru için kıbel-i şer‘den mansûb vasî olan ve sâbıkan Atebe-i aliyyede muhâsebe hizmetine me’mûr bulunan umdetü’l-emâcid ve’l-a‘yân İbrahim Efendi b. Abdülmennân meclis-i şer‘-i hatîrde hâzır olup vesâyet hizmetinin edâsında aczini izhâr ettiğinde hâkim-i muvakki‘-i a‘le’l-kitâb onu vesâyet-i mezkûreden azl edip yerine müteveffâ-i mezbûrun kardeşi Yasin Bey b. Mehmed’i sagīreyn-i mezkûreynin tesviye-i umûru, hıfz-ı emvâli ve ıslâh-ı şuûnu için rüşd ve bülûğlarına kadar vasî nasb etti. Yasin Bey de vesâyet-i mezkûreyi kabûl edip hidemât-ı lâzimesini üzerine aldı. Cerâ zâlike ve hurrire fî evâsıtı Rebî‘ilevvel sene selâse ve erba‘în ve elf. Şuhûdü’l-hâl: Es-Sâbikūn el-mezbûrûn