Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 168 Hüküm no: 161 Orijinal metin no: [30a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Efendi b. Abdülmennân’ın Yasin Bey b. Mehmed’e ödünçten borcu olduğu Mahmiye-i Kostantıniyye mahallâtından Kalenderhâne mahallesinde sâkin olan Atebe-i aliyyede muhâsebe hizmetine me’mûr bulunan umdetü’l-emâcid ve’l-a‘yân İbrahim Efendi b. Abdülmennân meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzır olup, üzerinde ve zimmetinde medîne-i mahrûse ahâlîsinden fahrü’l-akrân Yasin Bey b. Mehmed el-Cündî nâm kimesneye karz-ı şer‘î cihetinden râyicü’l-vakt bin riyâlî kuruş lâzımü’l-edâ ve vâcibü’l-kazâ deyni olduğunu ikrâr ve i‘tirâf etti. Vâki‘ ikrâr mukarrun leh el-mesfûr tarafından bi’l-muvâcehe tasdîk edildi. Cerâ zâlike ve hurrire fî evâsıtı Rebî‘ilâhir sene selâse ve erba‘în ve elf. Şuhûdü’l-hâl: Es-Sâbikūn el-mezbûrûn