Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 168 Hüküm no: 162 Orijinal metin no: [30a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Bey b. Hasan ile karısı Saliha Hatun bt. Mehmed Çavuş’un muhâlaa yoluyla boşandıkları Mahmiye-i Kostantıniyye’de vâki‘ Gül câmii kurbundaki Mustafa Paşa mahallesi sükkânından Mehmed Bey b. Hasan nâm kimesne meclis-i şer‘-i şerîfde -sâneha’llâhu te‘âlâ ani’t-tağyîr ve’t-tahrîf- hâzır olup bâ‘isetü’l-kitâb Saliha Hâtun bt. Mehmed Çavuş nâm zevcesini hul‘ eylediğini ikrâr ve itirâf etti. Zevce-i mezbûre de nikâhında ma‘kūdun aleyh olan râyicü’l-vakt altı bin akçe mehr-i müecceli, nafaka-i iddet-i şer‘iyyesi ve meûnet-i süknâsı kendi üzerine olmak üzre onu hul‘ eyledi. Zevce-i mezbûre bu sûretle yeni bir mehir ödenmeden ve akd-i nikâh yapılmadan helâl olmayacak şekilde zevc-i merkūmundan ayrılmış oldu. Vâki‘ ikrâr, zevce-i mezkûre tarafından vicâhen ve şifâhen tasdîk edildi. Sonra her biri yek diğerinin zimmetini, cemî‘-i de‘âvî, mutâlebât, eymân ve muhâsamâtdan umûmen, zevciyyetle alâkalı da‘vâdan husûsen kātı‘an li’n-nizâ‘ ve râfi‘an li’l-husûme ibrâ-i âm ile ibrâ etti. Cerâ zâlike ve hurrire fi’l-yevmi’t-tâsi‘ ve’l-ışrîn min şehri Rebî‘ilevvel min şuhûri sene selâse ve erba‘în ve elf. Şuhûdü’l-hâl: Mehmed Ağa el-ma‘rûf bi Defterdârzâde, Yusuf Bey b. Abdullah, Ramazan b. Şaban, Mehmed Çelebi b. Hasan, Ali Bey b. Hüseyin