Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 174 Hüküm no: 171 Orijinal metin no: [32a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Efendi b. el-Hâc Süleyman’ın evini ve bahçesini karısına sattığına dair iptal edilen hüccet (Doğrusu 33b-1’de) Bu hüccetin hudûdu yenilenmiş olup tebdîle muhtâc olmağın tekrâr yazılıp bundan esfelde kayd olunmuşdur gaflet olunmaya. << Rumeli beylerbeyliğinden münfasıl, umdetü’l-ulemâ’i’l-mütebahhırîn kıdvetü’l-fuzalâ’i’l-müteverri‘în yenbû‘u’l-fezâ’il ve’l-me‘âlî metbû‘ü’l-efâzil ve’l-e‘âlî a‘lemü’l-ilm Mehmed Efendi b. merhûm el-Hâc Süleyman meclis-i şerî‘at-i şerîfe-i garrâ ve mahfil-i tarîkat-i münîfe-i zehrâda hâzır olup, işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, mahmiye-i Galata kazâsı muzâfâtından Tophâne kasabası mahallâtından Cihangir mahallesinde kâin olan, eşcâr-ı müsmire ve gayr-ı müsmire-i mütenevvi‘ayı müştemil bulunan, bir tarafdan Mustafa Efendi b. Hasan el-Kâtib mülkü, diğer tarafdan Rıdvan Çavuş b. Abdullah mülkü, öteki tarafdan Veli b. ( ) en-neccâr ve Cihan Hâtun bt. ( ) mülkü, diğer tarafdan da tarîk-i âm ile mahdûd olan ve taraf-ı Kıblîsinde fevka’l-bâb fevkānî bir beyti, tahtânî iki beyti, aralarında selâmlığı, altında mahzen bulunan tahtânî bir beyti, hamamı, iki mutfağı, su kuyusunu, havuzu, şimâl tarafında fevka’l-bâb fevkānî bir beyti ve çeşmeyi müştemil cemî‘-i hadîkasını cümle hudûdu ve kâffe-i hukūkuyla râyicü’l-vakt altı yüz bin akçe semen-i mu‘ayyen-i makbûzla halîle-i celîlesi hâfıza-i hâze’l-kitâb fahrü’l-muhadderât zahrü’l-muvakkarât Hatice Hâtun bt. el-Hâc Veli’ye îcâb kabûlü ve teslîm tesellümü hâvî bey‘-i bât-ı sahîh ve akd-i kat‘î ve sarîh-i mer‘î ile bey‘ ettiğini ikrâr ve i‘tirâf etti. Mezbûre de kendi mâlıyla ve kendisi için hadîka-i mezbûreyi ondan iştirâ etti. Bâyi‘-i mezkûr semen-i merkūmdan üç yüz elli bin akçesini müşteriye-i mezbûrenin yedinden ahz ü kabz ettiğini ikrâr etti. Zimmetinde iki yüz bin akçe kaldı. Elân bâyi‘-i merkūm, müşteriye-i mezkûrenin zimmetinde bir habbe ve bir akçe kalmadan bâkī semeni tâm ve kâmil olarak ahz ü kabz ettiğini ikrâr etti. Müşteriye-i merkūme kıbelinden ikrârı tasdîka vekâleti bi mâ hüve nehc-i şer‘î sâbit olan fahrü’l-kuzât İsmail Efendi b. el-Hâc Süleyman, vâki‘ ikrârı tasdîk etti. Cerâ zâlike ve hurrire fî evâili Rebî‘ilâhir sene selâse ve erba‘în ve elf. Şuhûdü’l-hâl: Fahrü’l-ulemâ İsâ Efendi sâbık Ebâ Eyyûb-i Ensârî kadısı, zahrü’l-ulemâ Şeyhî Efendi sâbık Mekke-i mükerreme kadısı, iftihârü’l-ulemâ Mehmed Efendi sâbık mahmiye-i Galata kadısı, kıdvetü’l-müderrisîn Mehmed Efendi b. merhûm İsmail Efendi sahn-ı semân medresesi müderrisi, fahrü’l-akrân Behzad Çavuş b. Abdülmennân, Mehmed Çelebi b. Mustafa, kâtibü’l-hurûf Nakībzâde ve gayruhüm >>