Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 179 Hüküm no: 178 Orijinal metin no: [33a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sipahi Ömer Bey b. Mustafa’nın yeniçeri Mehmed Beşe b. Ahmed’e borcu olduğunu kabul ettiği Medîne-i Konya mahallâtından Kaymak mahallesi sâkinlerinden olup zümre-i sipâhiden Ömer Bey b. Mustafa nâm kimesne meclis-i şer‘-i şerîfde, dergâh-ı âlî -dâme mahfûfen bi’l-me‘âlî- yeniçerilerinden râfi‘ü’l-kitâb Mehmed Beşe b. Ahmed nâm kimesne mahzarında bi’t-tav‘i’s-sâf ikrâr ve i‘tirâf eyleyip, mezkûr Mehmed Beşe’nin hâlâ zimmetimde karz-ı şer‘îden kâmil bin aded riyâlî guruş ve beynimizde kadr ve cinsi ma‘lûm çuka semeninden iki yüz seksen aded riyâlî guruş ki, cem‘an bin iki yüz seksen aded riyâlî guruş olur hakkı olup, mâ‘adâsı karz olan iki yüz seksen aded guruş târih-i kitâbdan iki yüz on gün tamâmına mev‘ûd ve müecceldir deyip, gıbbe’t-tasdîki’ş-şer‘î el-vâki‘ bi’t-taleb ketb olundu. Tahrîren fi’l-yevmi’l-ışrîn min Rebî‘ilâhir li sene selâsin ve erba‘în ve elf. Şuhûdü’l-hâl: Ali Bey b. Hasan el-Cündî, Hüseyin b. Çelebi Mustafa er-Râcil, Süleyman Bey b. ( ), Receb Çelebi b. ( ), Piyâle Çavuş b. Abdullah, es-Seyyid İbrahim b. es-Seyyid, Ali Çelebi b. Abdullah, Davud Ağa b. ( ) tâbi‘-i Mehmed Paşa.