Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 212 Hüküm no: 220 Orijinal metin no: [42a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rahime Hatun bt. Hüseyin Çavuş’un evini kocası İsmail Çelebi b. Hüseyin’e sattığı Fahrü’l-kuzât Mevlânâ Mehmed Efendi b. Mehmed, taleb üzerine Dârü’s-saltanati’l-aliyye mahmiye-i Kostantıniyye mahallâtından Sekban başı mahallesinde sâkine olan fahrü’l-muhadderât Rahime Hâtun bt. Hüseyin Çavuş’un evine irsâl olundukda, kādı-i mezbûr merkūmenin evine vâsıl olup akd-i meclis eyledi. Mezbûre Rahime Hâtun, işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, mahalle-i mezbûrede vâki‘, fevkānî iki beyti, ahırı ve bahçeyi müştemil olan, tarafeynden Şâkire Hâtun bt. ( ) mülkü, bir tarafdan Mazhar Efendi b. ( ) vakfı ve diğer tarafdan da tarîk-i âm ile mahdûd bulunan cemî‘-i menzilini râyicü’l-vakt elli bin akçe semen-i mu‘ayyen-i makbûzla hâmil-i hâze’l-kitâb İsmail Çelebi b. Hüseyin nâm zevcine îcâb kabûlü ve teslîm tesellümü hâvî bey‘-i bât-ı sahîh ile bey‘ eylediğini ikrâr ve i‘tirâf etti. Zevc-i mezbûru da kendi mâlıyla ve kendisi için menzil-i mesfûru ondan iştirâ etti. Vâki‘ ikrâr, müşterî-i mezkûr tarafından vicâhen ve şifâhen tasdîk edildi. Hâl bu minvâl üzre iken, mevlânâ-i mezbûr vukū‘-i hâli yazıp haber verdi. Ve alâ hâzâ vaka‘a’l-işhâd ve’t-tahrîr fi’l-yevmi’l-ışrîn min şehri Rebî‘ilevvel sene selâse ve erba‘în ve elf. Şuhûdü’l-hâl: Mehmed Efendi b. Burhan el-İmâm, Musa Efendi b. Eyüb el-Müezzin, Hamza Bey b. Hasan, Mehmed Beşe b. Ahmed er-Râcil, Haydar Bey b. Abdullah, Mehmed Bey b. Nalbandbaşı, Mehmed b. Musa, Beyti Çelebi b. Abdullah, Mehmed Çelebi b. Hızır Çavuş, Muslu Bey b. Musa el-Cündî