Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 222 Hüküm no: 231 Orijinal metin no: [44b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Avraham v. Efraim’in navlundan dolayı Nikola Reis v. Feraci’ye borcu olmadığı Vilâyet-i Rumeli’nde kasaba-i Anaboli sükkânından olup gemici tâifesinden olan Nikola Reis v. Feraci nâm zimmî meclis-i şer‘de, işbu hâmilü’l-kitâb Avraham v. Efraim nâm Yahudi muvâcehesinde bi tav‘ihî ikrâr ve takrîr-i kelâm edip, merkūm Avraham bundan akdem kasaba-i merkūmeden mahmiye-i Kostantıniyye’ye getirmek için gemiye tahmîl eylediği beş yüz tekerlek peynirin navlunu olan dört bin altı yüz elli akçeyi bi’t-tamâm ve’l-kemâl merkūm Avraham yedinden alıp kabz eyledim, zikr olunan peynirin navlunundan bir akçe ve bir habbe hakkım kalmadı dedikde, gıbbe’t-tasdîk mâ vaka‘a bi’t-taleb ketb olundu. Tahrîren fî selhi Rebî‘ilevvel min şuhûri li sene selâsin ve erba‘în ve elf. Şuhûdü’l-hâl: İskender Bey b. Şaban, Mehmed Çavuş b. Abdullah el-Mübâşir, Piyâle Çavuş b. Abdullah, Yusuf Bey b. Abdullah.