Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 237 Hüküm no: 251 Orijinal metin no: [49a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şah Mehmed Efendi’nin borcu olmadığına yemin ettiği Cezîre-i İstanköy sâkinlerinden fahrü’l-a‘yân Ahmed Ağa b. Abdünnebî meclis-i şer‘-i hatîr-i lâzımü’t-tevkīrde, bundan akdem cezîre-i merkūme kadısı olan umdet-i kuzâtü’l-İslâm zübted-i vülâti’l-enâm Şah Mehmed Efendi b. Receb mahzarında üzerine takrîr-i da‘vâ edip, müşârunileyh Şah Mehmed Efendi zimmetinde cihet-i karz-ı şer‘îden üç yüz on kıt‘a riyâlî guruş hakkım vardır, suâl olunup alıverilmek matlûbumdur dedikde, gıbbe’s-suâl ve akībe’l-inkâr müdde‘î-i mezbûrdan sıdk-ı da‘vâsına beyyine taleb olundukda ityân-ı beyyineden izhâr-ı acz edip istihlâf etmeğin, müşârunileyh Şah Mehmed Efendi’ye zimmetinde cihet-i mezkûreden müdde‘î-i mezbûra üç yüz on kıt‘a riyâlî guruş deyni olmadığına yemîn teklîf olundukda, ol dahi hasbe’l-mes’û[l] yemîn billâhi te‘âlâ etmeğin, mâ hüve’l-vâki‘ bi’t-taleb ketb olundu. Tahrîren fî evâili Zilka‘deti’ş-şerîfe li sene isneteyn ve erba‘în ve elf. Şuhûdü’l-hâl: Fahrü’l-akrân Hasan Ağa b. ( ), Zahrü’l-emsâl Hasan Çavuş b. ( ), Umdetü’l-akrân Mustafa Çavuş b. Davud ve gayruhüm.