Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 248 Hüküm no: 260 Orijinal metin no: [52b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selime Hatun bt. Kurd’un evini bey‘ bi’l-istiğlâl ile Ali Ağa Vakfı’na sattığı Mahmiye-i Kostantıniyye mahallâtından Kızılminâre mahallesinde sâkine olan Selime Hâtun bt. Kurd nâm hâtun meclis-i şer‘-i şerîfe -sânehu’llâhu te‘âlâ ani’t-tağyîr ve’t-tahrîf- hâzıra olup, işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, ebvâb-ı hısn-ı mahmiye-i mezbûreden Silivrikapı dâhilinde vâki‘ İbrahim Paşa mahallesinde kâin olan, tarafeynden tarîk-i âm ile, diğer tarafdan Takyeci Ferhad Vakfı ve Tâcî Hâtun’un Dârü’t-ta‘lîm’i ile, diğer tarafdan da Ömer Beşe b. Abdullah ve Ali Beşe b. Abdullah mülkleri ile mahdûd bulunan, dâhilî ve hâricî fevkānî ve tahtânî beytleri, dükkânları, su kuyusunu, bahçeyi ve helâyı müştemil olan cemî‘-i menzilini cümle tevâbi‘ ve levâhıkı ile râyicü’l-vakt doksan sekiz bin akçe semen-i mu‘ayyen-i makbûzla, Ali Ağa Vakfı’na mütevellî olan hâfız-ı hâze’l-kitâb Ahmed Çelebi b. Osman’a bey‘ ettiğini ikrâr ve i‘tirâf etti. Mütevellî-i merkūm da menzil-i mezkûru vakf-ı mesfûr mâlıyla ve istiğlâl maksadıyla ondan iştirâ etti. Bâyi‘-i merkūmun menzili icâreye almak istemesi üzerine müşterî-i mezbûr, ba‘de’t-tahliye ve’t-tekābuz zeyl-i kitâbda mezkûr senenin gurre-i Rebî‘ilâhirinden bir sene tâmamına on dört bin akçe semen-i mu‘ayyen-i makbûzla icâreye verdi. Vâki‘ ikrâr, mütevellî-i mezbûr tarafından bi’l-muvâcehe tasdîk edildi. İbrahim Paşa el-mezbûr mahallesinde sâkin olan Hasan Çelebi b. Mustafa, menzil-i mezbûrun derkine ve ücret-i kirâya îcâb ve kabûlü hâvî kefâletle kefîl oldu. Cerâ zâlike ve hurrire fî evâsıtı Rebî‘ilâhir sene selâse ve erba‘în ve elf. Şuhûdü’l-hâl: Muslu Çelebi b. Ahmed, Mustafa b. Hasan er-Râcil, Ahmed Çelebi b. Mustafa, Mustafa Halîfe el-İmâm