Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 256 Hüküm no: 271 Orijinal metin no: [55a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yasef v. İsak ile Hayim v. Mosi’nin ortaklıklarını sona erdirdiği Mahmiye-i Kostantıniyye’de vâki‘ yahud mahallâtından Çelebioğlu mahallesinde sâkin olan Alman cemâ‘atinden Yasef v. İsak nâm Yahudi meclis-i şer‘de, mahalle-i merkūmede sâkin olan hâmilü’l-kitâb Hayim v. Mosi nâm Yahudi muvâcehesinde bi tav‘ihî ikrâr ve takrîr-i kelâm edip mukaddemâ mezbûr Hayim ile şerîkler olup mahmiye-i merkūmede Balıkpazarı’nda vâki‘ olup hudûdu beynimizde ma‘lûm olan meyhânede şirket üzre kâr ü kisb eder idik. Hâlâ rızâm ile fesh-i akd-i şirket edip, erbâb-ı elbâb huzûrunda hesâb ve kitâb edip her birimiz âharın zimmetinde olan mâlı alıp kabz edip şirket-i merkūmeye müte‘allik da‘vâ ve talebden zimmetini ibrâ ve iskāt eyledikden sonra benim merkūm Hayim yedinde iki yüz müdre arakım vardır, şirket-i merkūmeye alâkası yokdur dedikde, mukırr-ı merkūm Yasef’i kelimât-ı meşrûhasında merkūm Hayim dahi bi’l-muvâcehe tasdîk ve minvâl-i muharrer üzre fesh-i akd-i şirket edip merkūmun âhar husûsdan zimmetinde iki yüz müdre arakı olduğunu tahkīk edicek, mâ vaka‘a bi’t-taleb ketb olundu. Tahrîren fi’l-yevmi’s-sânî aşer min şehri Rebî‘ilâhir li sene selâsin ve erba‘în ve elf. Şuhûdü’l-hâl: Mehmed Beşe b. Yusuf çukadâr, Murad b. Abdullah, Hüseyin b. Ahmed, Piyâle Bey b. Abdullah.