Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 47 Hüküm no: 10 Orijinal metin no: [3b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Ahmed’in câriyesi Şahbaz’ı tedbir-i mutlak ile âzat ettiği Mahmiye-i İstanbul’da Oruc Gāzi mahallesi sükkânından olup bi’l-fi‘l Yeniçeri ocağında turnacıbaşı olan umdetü’l-emâcid ve’l-a‘yân makbûlü’s-sudûr ve’l-erkân Abdülkerim Ağa’nın zevcesi fahrü’l-muhadderât Ayşe Hâtun bt. el-merhûm Ahmed Efendi tarafından husûs-ı âti’z-zikri ikrâra vekîl olup mezbûreyi ma‘rifet-i şer‘iyye ile ârifân olan Ali Beşe b. Memi ve Sinan Beşe b. Abdullah şehâdetleriyle şer‘an vekâleti sâbite olan fahrü’l-a‘yân Hasan Beşe b. Mehmed meclis-i şer‘-i hatîr-i lâzımü’t-tevkīrde tav‘an ikrâr ve i‘tirâf edip müvekkilem mezbûre Ayşe Hâtun kendiye rıkkını mu‘terife olan bâ‘isetü’l-vesîka işbu açık kaşlı kara gözlü yassı yüzlü Gürciyyetü’l-asl Müslimetü’l-mille Şahbaz bt. Abdullah nâm câriyeyi tedbîr-i mutlak ile müdebber eyledi kazâ-i nahb eyledikde, sülüs malından merkūme Şahbaz sâir harâyir-i asliyyât gibi hürre olsun dedikde, vekîl-i mezbûrun vech-i meşrûh üzre cârî ve sâdır olan ikrâr-ı meşrûhunu merkūme Şahbaz talebiyle ketb olundu. Fi’l-yevmi’t-tâsi‘ ve’l-ışrîn min şehri Rebî‘ilevvel li sene 1059. Şuhûdü’l-hâl: Mustafa Çavuş b. Hızır, Mustafa Halîfe b. ( ) el-müezzin, Ahmed Beşe, Hüseyin Beşe b. Mehmed.