Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 91 Hüküm no: 68 Orijinal metin no: [17a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ekmekçi Bahtik v. Torun’un emanet davasında Bostancı Bedros v. Yakob’un zimmetini ibra ettiği Eğin kazâsına tâbi‘ Apçağa nâm karyeden Ekmekçi Bahtik v. Torun nâm Ermeni meclis-i şer‘de, karye-i mezbûreden işbu râfi‘ü’l-vesîka Bostancı Bedros v. Yakob nâm Ermeni muvâcehesinde tav‘an ikrâr edip mezbûr Bedros’a bundan akdem on beş riyâlî kuruşumu karye-i mezbûrede ehlime ve kırk riyâlî kuruşumu dahi işbu hâzır bi’l-meclis karye-i mezbûreden Saka Hazros v. Haçok’a olan deynim için teslîm eyledim deyû cem‘an elli beş riyâlî kuruş teslîm edip yedinden ol dahi ba‘de’t-tesellüm on beş kuruşun ehlime ve kırk kuruşun işbu Hazros’a teslîm edip yedinde mezbûr Bedros’un bâkī kalmamağla, mezbûr Bedros üzerine husûs-ı mezbûra müte‘allika da‘vâ ve hakkım yokdur dedikde, gıbbe’t-tasdîk mezbûr Saka Hazros dahi meblağ-ı mezkûr kırk riyâlî kuruşu mezbûr Bedros yedinden ahzını tav‘an ikrâr edicek, mâ hüve’l-vâki‘ bi’t-taleb ketb olundu. Fi’l-yevmi’s-sânî min şehri Rebî‘ilâhir li sene 1059. Şuhûdü’l-hâl: Mustafa Bey b. Hamza, İsa Bey b. Ahmed, Mustafa b. Mehmed es-sarrâcü’s-sultânî.