Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 92 Hüküm no: 69 Orijinal metin no: [17a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Mustafa’nın İbrahim Çelebi b. Mehmed’e borcu olduğu Mahmiye-i İstanbul’da Beyciler mahallesinde sâkin Hatice bt. Mustafa nâm semrâ hâtun meclis-i şer‘-i hatîrde, mahmiye-i mezbûrede Hatice Sultan mahallesinde sâkin işbu râfi‘ü’l-vesîka a‘mâ İbrahim Çelebi b. Mehmed mahzarında tav‘an ikrâr ve i‘tirâf edip mezbûre İbrahim Çelebi’den on riyâlî kuruş iktirâz ve kabz ve mesârifine sarf edip zimmetimde deyn olduğundan gayrı yine mezbûr İbrahim Çelebi’den yedinde mülk ve hakkı olup envâ‘-ı elvân altmış miskāli bogasi dahi târih-i kitâbdan yüz on gün tamâmına değin müeccel yüz kırk riyâlî kuruşa bâtten iştirâ ve tesellüm edip minvâl-i meşrûh üzre kırk ve semen cem‘an yüz elli riyâlî kuruş mezbûr İbrahim Çelebi’ye zimmetimde vâcibü’l-edâ ve lâzımü’l-kazâ deynim vardır dedikde, mukırra-i mezbûre Hatice Hâtun’u ikrâr-ı meşrûhunda el-mukarru lehü’l-mezbûr vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Fi’l-yevmi’l-hâdî aşer min şehri Rebî‘ilâhir li sene tis‘a ve hamsîn ve elf. Şuhûdü’l-hâl: Süleyman b. Hasan, Ahmed Çelebi b. Aslan Bey, Hacı Süleyman [b.] Abdullah, Mehmed Beşe b. Kasım, Solak Mustafa b. Abdullah tâbi‘-i Hacı Askeri Kadı? Askeri Efendi.