Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 103 Hüküm no: 83 Orijinal metin no: [21a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Halil Çorbacı b. İbrahim’in Osman Çelebi b. Muharrem’e verdiği bogasiyi noksansız teslim aldığı Dârü’l-hilâfeti’l-aliyye mahmiye-i Kostantıniyye’de Nişancı Paşa-yı Atîk mahallesinde sâkin tüccâr tâifesinden Halil Çorbacı b. İbrahim meclis-i şer‘-i hatîr-i lâzımü’t-tevkīrde, tâife-i mezbûreden işbu sâhibü’l-kitâb Osman Çelebi b. Muharrem mahzarında bi’t-tav‘i’s-sâf ikrâr ve i‘tirâf edip bundan akdem mezbûr Osman Çelebi’ye on denk morlu bogasini vedî‘a vaz‘ ve teslîm edip ol dahi yedimden ahz ve tesellüm eylemişdi. Hâlâ zikr olunan on denk bogasiyi mezbûr Osman Çelebi yedinden bi aynihâ tamâmen ahz u kabz eyledim. Min ba‘d târih-i kitâba gelince husûs-ı mezbûra müte‘allika ve sâir hukūk-ı ma‘lûme ve mechûleye müte‘allika mezbûr Osman Çelebi üzerine bi vechin mine’l-vücûh ve sebebin mine’l-esbâb da‘vâ ve nizâ‘ım ve hakkım kalmadı dedikde, mukırr-ı mezbûrun vech-i meşrûh üzre cârî ve sâdır olan ikrârını el-mukarru lehü’l-mezbûr vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Hurrire fi’l-yevmi’r-râbi‘ min şehri Rebî‘ilâhir li sene tis‘a ve hamsîn ve elf. Şuhûdü’l-hâl: Ali Bey b. ( ) el-mübâşir, Abdullah Çelebi Kadızâde, Yahya Bey b. Zekeriya, Mustafa Efendi.