Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 108 Hüküm no: 90 Orijinal metin no: [23a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nasto, Mosi ve Kerdan adlı kürkçülerin Gardan v. Yuvan’da samur kuyruğu satışından kalan alacaklarını tahsil edip zimmetini ibra ettikleri Kürkçü tâifesinden Nasto v. Kosta ve Mosi v. Niko ve Kerdan v. İsteviko nâm zimmîler meclis-i şer‘-i hatîr-i lâzımü’t-tevkīrde, işbu sâhibü’l-vesîka Gardan v. Yuvan nâm zimmî muvâcehesinde her biri tav‘an ikrâr edip bundan akdem merhûm Sultan İbrahim Hân hazretlerinin zamânında mezbûr Gardan bizden merhûm-ı müşârun-ileyh için dört yüz yetmiş aded samur kuyruğunu her adedi otuz birer akçeye olmak üzre cem‘an on dört bin beş yüz akçeye bâtten iştirâ ve tesellüm eylemişdi. Hâlâ semen-i mezbûru merkūm Gardan’dan da‘vâ ve taleb eylediğim[iz]de, ol dahi ikrâr edip lâkin ziyâde bahâ ile iştirâ eyledim deyû edâdan imtinâ‘ etmekle, beynimizde münâza‘ât-ı kesîre vâkı‘a olmuşdu. El-hâletü hâzihî beynimize muslihûn tavassut edip mârrü’z-zikr kuyruğun her adedi yirmişer akçeye olmak üzre cem‘an dokuz bin dört yüz akçe üzerine sulh eylediklerinde, biz dahi sulh-ı mezbûru kabûl ve bedel-i sulh olan meblağ-ı mezbûr dokuz bin dört yüz akçeyi merkūm Gardan yedinden tamâmen ahz u kabz edip semen-i mezbûr da‘vâsından berî olup mezbûr Gardan’ın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dediklerinde, mukırrûn-ı mezbûrûnun vech-i meşrûh üzre cârî olan ikrârlarını el-mukarru lehü’l-mezbûr vicâhen tasdîk edicek, mâ vaka‘a bi’t-taleb ketb olundu. Hurrire fi’l-yevmi’s-sâdis min Rebî‘ilâhir sene 1059. Şuhûdü’l-hâl: Ahmed Çavuş b. Ali el-mübâşir, Süleyman Ağa b. Pîrî muhzırbaşı, Hasan Beşe b. İbrahim, el-Hâc Hasan b. Safer, Sinan Bey b. İbrahim.