Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 121 Hüküm no: 110 Orijinal metin no: [27a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin Mahmud ve Ayşe adlı küçüklere nafaka takdir ettiği Hâkim, Mahmud ve Ayşe ibney Mustafa nâm sagīreynin nafaka, kisve ve sâir havâic-i zarûriyeleri için, âtiyyü’z-zikr mahallede sâkine olan Fâtıma bt. Mustafa nâm nineleri ve hâdinelerinin talebiyle, mahmiye-i Kostantıniyye mahallâtından Muhtesib İskender mahallesinde sâkine iken bundan akdem vefât eden Emine bt. Mustafa nâm annelerinden irs-i şer‘le kendilerine intikāl eden mallardan alınmak üzre, zeyl-i kitâbda mezkûr târihden i‘tibâren her birine yevmî dörder akçe olmak üzre râyicü’l-vakt sekiz akçe farz ve takdîr etti. Hâkim sonra meblağ-ı mefrûz-i mezkûru, havâic-i sagīreyn-i merkūmeyne sarf etmeye ve vakt-i zarûrette istidâne edip vakt-i zaferde rücû‘ etmeye mezbûre Fâtıma’ya izin verdi. Cerâ zâlike ve hurrire fi’l-yevmi’s-sâmin min şehri Rebî‘ilâhir sene 1059. Şuhûdü’l-hâl: Mustafa Efendi b. İbrahim, Yahya Bey b. Zekeriya, el-Hâc Ahmed, Ali b. Abdullah