Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 154 Hüküm no: 156 Orijinal metin no: [36b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bogos v. Avet’in eski Kudüs sancak beyi Abdülhalim Bey ticaret eşyası bedelinden olan alacağının tahsili Mahmiye-i İstanbul’da Tahtahan demekle ma‘rûf handa sâkin tüccâr tâifesinden Bogos v. Avet? nâm zimmî meclis-i şer‘-i şerîfde sâbıkā Kudüs-i şerîf beyi olan Abdülhalim Bey b. el-Hâc Mehmed Paşa tarafından husûmet-i husûs-ı âti’l-beyâna vekîli olup vekâleti bimâ hüve nehci’s-sübût şer‘an sâbite olan Mustafa Efendi [b.] Bayram mahzarında üzerine takrîr-i da‘vâ edip mezbûr Abdülhalim Bey zimmetinde yedimden müşterâ ve makbûz-ı ma‘lûmü’l-hudûd ve’l-cins dülbend semeninden yedi bin altı yüz fıddî cedîd râyic fi’l-vakt akçe hakkım vardır. İşbu vekîle suâl olunup müvekkilinden alıverilmesi matlûbumdur dedikde gıbbe’s-suâl vekîl-i mezbûr cevâbında fi’l-hakīka dülbend semeninden müvekkilimin zimmetinde işbu müdde‘î Bogos’a edâsı vâcib yedi bin altı yüz mezbûru’n-na‘t akçe deyni vardır deyû tav‘an ikrâr etmeğin ikrâr mûcebince meblağ-ı mezbûrun müdde‘î-i merkūma edâya vekîl-i mezbûr mahzarında müvekkil-i mezbûr Abdülhalim Bey üzerine ilzâm olunup mâ vaka‘a bi’t-taleb ketb olundu. Fi’l-yevmi’r-râbi‘ aşer min şehri Rebî‘ulâhir li sene tis‘a ve hamsîn ve elf. Şuhûdü’l-hâl: Ahmed Çelebi b. el-Bâkī, Osman b. Mehmed, Yahya Bey [b.] Zekeriya, İsa Bey b. Ahmed.