Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 195 Hüküm no: 203 Orijinal metin no: [48a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Halil Ağa b. Ali’nin, Ahmed Ağa b. Mehmed’de olan alacağının tahsil edilmesi Dârü’l-hilâfeti’l-aliyye mahmiye-i Kostantıniyye mahallâtından Şehzâde Câmi‘-i şerîfi kurbunda Molla Hüsrev mahallesinde sâkin işbu sâhibü’l-hayr Halil Ağa b. Ali meclis-i şer‘-i hatîr-i lâzımü’t-tevkīrde mahalle-i mezbûrede sâkin Ahmed Ağa b. Mehmed mahzarında üzerine takrîr-i da‘vâ edip mezbûr Ahmed Ağa zimmetinde karz-ı şer‘îden on beş bin fıddî râyic fi’l-vakt akçe hakkım olup hâlâ bana edâda ta‘annüd eder. Suâl olunup alıverilmesin taleb ederim dedikde, gıbbe’s-suâl mezbûr Ahmed Ağa cevâbında fi’l-vâki‘ müdde‘î-i mezbûr Halil Ağa’ya vech-i muharrer üzre karz-ı şer‘îden on beş bin cedîd akçe zimmetimde lâzımü’l-edâ ve vâcibü’l-kazâ deynim vardır deyû tav‘an ikrâr ile cevâb vermeğin ikrârı mûcebince meblağ-ı müdde‘î on beş bin akçenin müdde‘î-i merkūm Halil Ağa’ya edâya merkūm Ahmed Ağa üzerine ilzâm olunup mâ hüve’l-vâki‘ bi’t-taleb ketb olundu. Tahrîren fi’l-yevmi’r-râbi‘ ve’l-ışrîn min şehr-i Rebî‘ulâhir li sene tis‘a ve hamsîn ve elf. Şuhûdü’l-hâl: Mehmed Çavuş b. Osman, el-Hâc Hüseyin b. el-Hâc Hasan, el-Hâc Bayezid b. Esad, Yahya Bey b. Zekeriya.