Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 198 Hüküm no: 209 Orijinal metin no: [49a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman b. Abdullah’ın Mihal v. Gülvek’te olan alacağını bir kısmını tahsil ettiği Vilâyet-i Anadolu’da Çemişkezek nâm kasabadan Osman b. Abdullah nâm cebeci meclis-i şer‘-i hatîr-i lâzımü’t-tevkīrde işbu râfi‘ü’l-vesîka Mihal v. Gelvek? nâm Ermeni mahzarında bi’t-tav‘i’s-sâf ikrâr ve i‘tirâf edip mezbûr Mihal zimmetinde karz-ı şer‘îden beş kıt‘a riyâl kuruş hakkım olup hâlâ meblağ-ı mezbûru merkūm Mihal yedinden tamâmen ahz u kabz eyledim. Min ba‘d mezbûr Mihal üzerine babası olup hâlik olan merkūm Gülvek zimmetinde karz-ı şer‘îden olan beş kıt‘a riyâlî kuruşdan mâ‘adâ hukūk-ı ma‘lûme ve hukūk-ı mechûleye müte‘allika bi vechin mine’l-vücûh ve sebeben mine’l-esbâb da‘vâ ve nizâ‘ ve hakkım kalmadı dedikde, mukırr-ı mezbûru ikrâr-ı meşrûhunda el-mukarru lehü’l-mezbûr vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Hurrire fi’l-yevmi’s-sâmin aşer min Cumâdelûlâ li sene tis‘a ve hamsîn ve elf. Şuhûdü’l-hâl: El-Hâc Mahmud b. Yusuf, Mehmed Bey b. Nureddin. Ahmed Bey b. Hasan.