Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 199 Hüküm no: 211 Orijinal metin no: [49b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Ağa b. Abdurrahman’ın, Hasan Ağa b. Mustafa’nın câriyesi Ayşe bt. Abdullah’ı satın aldığı Medîne-i Sofya’da Kiremitli mahallesinde Şeyhzâde demekle şehîr Mustafa Ağa b. Abdurrahman Ağa meclis-i şer‘-i hatîrde sâbıkā sofya mütesellimi olan Hasan Ağa b. Mustafa mahzarında tav‘an ikrâr ve i‘tirâf edip mezbûr Hasan Ağa yedinde ve taht-ı tasarrufunda muntazam mülk ve hakkı olup çatık karakaşlı kara gözlü, esmerü’l-levn orta boylu Gürciyyetü’l-asl müslimetü’l-mille Ayşe bt. Abdullah nâm nakışcı câriyesini târih-i kitâbdan yüz doksan gün tamâmına değin müeccel üç yüz riyâlî kuruşa bana bâtten bey‘ ve teslîm edip ben dahi minvâl-i meşrûh üzre nefsiyçün iştirâ ve tesellüm ve kabûl edip semen-i mezkûr üç yüz riyâlî kuruşu vech-i tahrîr üzre ecel-i mezkûr hulûlü ile zimmetinde vâcibü’l-edâ ve lâzımü’l-kazâ deynimdir dedikde mukırr-ı mezbûr Mustafa Ağa’yı minvâl-i meşrûh üzre cârî ve sâdır olan ikrârını el-mukarru lehü’l-mezbûr Hasan Ağa vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Fi’l-yevmi’l-hâdî aşer min şehri Rebî‘ulâhir li sene tis‘a ve hamsîn ve elf. Şuhûdü’l-hâl: Osman Çavuş a‘mâ sâkin-i Piremedi, Ali Yazıcı? b. ( ), Ahmed Efendi b. …?, el-kadı el-muknî?, Ali Efendi Tezkireci, Nuh Efendi b. Mehmed el-mukayyid, Hasan Efendi sâkin-i Sofya, Hacı Yusuf b. Abdullah el-hallâk, Nasuh Ağazâde Hasan Ağa.