Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 203 Hüküm no: 215 Orijinal metin no: [50b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Efendi b. Mustafa’nın, arsasını Havva bt. Hacı Mustafa’ya sattığı Mahmiye-i İstanbul’da Ali Paşa-yı Atîk mahallesinde sâkin Osman Efendi b. Mustafa meclis-i şer‘-i şerîfde işbu râfi‘ül-kitâb Havva bt. el-Hâc Mustafa tarafından vech-i âtî üzre şirâya vekîl olup mezbûreyi ma‘rifet-i şer‘iyye ile ârifîn olan Derviş b. Mustafa b. ( ) ve Mustafa b. Mehmed nâm kimesneler şehâdetleriyle vekâleti sâbite olan zevci Yusuf b. Abdullah nâm kimesne mahzarında tav‘an ikrâr ve i‘tirâf edip işbu akdin sudûruna değin silk-i mülkümde münselik ve yedimde hakkım olup mahmiye-i mezbûrede Demirhan mahallesinde vâki‘ bir tarafı vakfım olan odalarına ve bir tarafı Osman b. ( ) mülküne ve iki tarafı tarîk-i âmma müntehî cemî‘ arsayı âmme-i hukūkla ve buçuk zirâ‘ damlalığı ile mezbûr Yusuf’a on sekiz bin cedîd râyic fi’l-vakt akçeye tarafeynden îcâb ve kabûlü hâvî ve şürût-ı müfsideden ârî bey‘ ve teslîm edip ol dahi müvekkilesi mezbûre Havva Hâtun için vekâleten iştirâ ve tesellüm eyledikden sonra semen-i merkūm on sekiz bin cedîd râyic fi’l-vakt akçeyi vekîl-i mezbûr Yusuf yedinden tamâmen alıp kabz eyledim. Ba‘de’l-yevm arsa-i merkūme cümle hukūkuyla müvekkile-i mezbûrenin mülk-i müşterâsıdır, keyfe mâ yeşâ ve yahtâr mutasarrıf olsun dedikde mâ hüve’l-vâki‘ bi’t-taleb ketb olundu. Fi’l-yevmi’r-râbi‘ ve’l-ışrîn min Rebî‘ilâhir li sene [tis‘a] ve hamsîn ve elf. Şuhûdü’l-hâl: Ali b. Mahmud, Mehmed Bey [b.] Mehmed el-cündî, Osman b. ( ), Hasan b. Receb, Mehmed b. Ramazan?