Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 210 Hüküm no: 226 Orijinal metin no: [52b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Melek bt. Artol’un, eşi Mardiros v. Yani’nin terekesinden kendisine isabet eden hissesini aldığı Mahmiye-i İstanbul’da Kâtib Kasım mahallesinde sâkin iken bundan akdem hâlik olan Mardiros v. Yani nâm Ermeni zimmînin verâseti zevce-i metrûkesi Melek bt. Artol? nâm Ermeniye zimmîyeye ve sulbî sagīr oğlu Gabril ve sulbiye sagīre kızı İktisani’ye? münhasıra olduğu şer‘an mütehakkık oldukdan sonra mezbûre Melek meclis-i şer‘-i hatîrde sagīrân-ı mezkûrânın ammileri ve kıbel-i şer‘-i hatîrden mansûb vasîleri olan râfi‘ü’l-vesîka Papa Avanos v. Yani muvâcehesinde tav‘an ikrâr ve i‘tirâf edip zevcim olup hâlik olan mûrisim Mardiros’un cemî‘ terekesinden ba‘de’l-bey‘ bana isâbet eden dört fıddî râyic fi’l-vakt akçemi vasiyy-i mezkûr Papa Avanos’dan tamâmen ahz u kabz eyledim. Min ba‘d tereke-i hâlik-i mezbûre müte‘allika sagīrân-ı mezkûrân üzerlerine bi vechin mine’l-vücûh da‘vâ ve hakkım kalmadı dedikde, mukırra-i mezbûre ikrâr-ı meşrûhunda vasiyy-i mezkûr vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Târihi’l-mezbûr Şuhûdü’l-hâl: Mısırlı Mehmed Çavuş b. Abdullah, Durmuş Ağa b. ( ), Mustafa b. Mehmed, es-sarrâcü’s-sultânî, Papa Avanos v. Bedros, Papa Kirkos …?, Mardiros v. Tuhab?