Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 212 Hüküm no: 229 Orijinal metin no: [53a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selime bt. Mehmed’in eşi Ahmed b. Ali’den muhâlaa yoluyla boşandığı Vilâyet-i Rumeli’nde vâki‘ İskarpar kazâsına [tâbi‘] Dük? nâm karye sâkinelerinden Selime bt. Mehmed nâm hâtun tarafından hul‘-ı âti’l-beyâna vekîl olup vekâletini bimâ-hüve nehcü’s-sübût şer‘an sâbite olan babası mezbûr Mehmed b. Mustafa meclis-i şer‘-i şerîf-i nebevîde müvekkile-i mezbûrenin zevc-i dâhil-i bihâsı Ahmed bin Ali mahzarında bi’l-vekâle tav‘an ikrâr ve i‘tirâf edip sulbiye kızım müvekkile-i mezbûre Selime’nin zevci mezbûr Ahmed zimmetinde nikâhı ma‘kūd olan altı yüz cedîd râyic fi’l-vakt akçe mehr-i müecceli ve nafaka-i iddet-i ma‘lûmesi üzerine benden kefâleti mutazammın vekâletle mezbûr Ahmed ile muhâla‘a-i sahîha-i şer‘iyye ile muhâla‘a oldum dedikde, ol dahi vech-i muharrer üzre tav‘an hul‘-ı mezbûru kabûl ve muhâla‘a eyledikden sonra herbiri zevciyyete müte‘allika âmme-i da‘vâdan âhar zimmetini ibrâ-i âmm-ı kātı‘ü’n-nizâ‘la ibrâ ve iskāt edicek, mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ min Cumâdelûlâ li sene tis‘a ve hamsîn ve elf. Şuhûdü’l-hâl: İbrahim b. Mehmed, Ali b. Sinan, Hüseyin b. Sinan, Ali Bey, Ali Bey b. Ahmed.