Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 213 Hüküm no: 230 Orijinal metin no: [53b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice Hâtun bt. İbrahim’in evini istiğlâl yoluyla İsmail Çelebi b. Cafer’e sattığı Mahmiye-i Kostantıniyye mahallâtından Şeyh Ferhad mahallesinde sâkine olan Hatice Hâtun bt. İbrahim nâm hâtun meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzıra olup âtiyyü’z-zikr menzilini râfi‘-i hâze’l-kitâb İsmail Çelebi b. Cafer’e bey‘ ettiğini ikrâr ve i‘tirâf etti. Müşterî-i mezbûr da kendi malıyla ve kendisi için, mezbûre Hatice Hâtun’un işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, mahalle-i mezbûrede vâki‘ olan, bir tarafdan Hasan Odabaşı b. Abdullah mülkü, diğer tarafdan Nevri nâm zimmî mülkü, öteki tarafdan Çoban Çavuş Vakfı ve diğer tarafdan da tarîk-i âm ile mahdûd cemî‘-i menzili cümle tevâbi‘ ve levâhıkı ve kâffe-i hukūk ve mürâfıkı ile râyicü’l-vakt üç yüz riyâlî fıddî kuruşa iştirâ etti. Bâyi‘a-i mezbûrenin menzili isticârı üzre müşterî-i merkūm ba‘de’t-tahliye ve’t-tekābuz zeyl-i kitâbda mezkûr târihden i‘tibâren bir sene tamâmına şehr-i dört yüz akçe olmak üzre dört bin sekiz yüz akçe ücret-i kirâ ile kirâladı. Vâki‘ ikrâr, tasdîk hakkı sâhibince vicâhen tasdîk ve şifâhen tahkīk edicek mâ hüve’l-vâki‘ bi’t-taleb ketb olundu. Fi’l-yevmi’s-sâdis ve’l-ışrîn min şehri Rebî‘ilâhir sene tis‘a ve hamsîn ve elf. Şuhûdü’l-hâl: Abdurrahman Efendi b. Şaban, Mustafa Ağa b. Süleyman, Salih Efendi b. Mustafa, Mehmed Çavuş b. Mustafa, Yahya b. Zekeriya, Mehmed Çelebi b. Osman, Abdi Çelebi b. Abdülvehhâb, Hüseyin Beşe b. Abdullah