Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 214 Hüküm no: 232 Orijinal metin no: [54a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Saliha bt. Abdullah’ın, câriyesi Nakide? Bt. Abdullah’ı Yusuf Ağa b. Abdullah’a sattığı Medîne-i Üsküdar’da Sultantepesi nâm mevzi‘de sâkine Saraylı Saliha Hâtun bt. Abdullah meclis-i şer‘-i hatîrde Yusuf Ağa b. Abdullah tarafından ikrâr-ı âti’l-beyânı tasdîka vekîl olup vekâleti bimâ-hüve nehcü’s-sübût şer‘an sâbite olan Cafer Çavuş b. Sefer mahzarında tav‘an ikrâr ve i‘tirâf edip zikr-i âtî akdin sudûruna değin yedimde ve taht-ı tasarrufumda mülk ve hakkım olup açık kaşlı uzun boylu zenciyyetü’l-asl müslimetü’l-millet Nefise bt. Abdullah nâm câriyemi mezbûr Yusuf Ağa’ya yüz kıt‘a riyâlî kuruşa tarafından ahz ve kabûlü hâvî şürût-ı müfsideden ârî bey‘-i bâtla bey‘ ve teslîm eyledim. Ol dahi iştirâ ve teslîm edip semen-i mezkûr riyâlî kuruşu bana teslîm edip ben dahi tamâmen ahz u kabz eyledim. Min ba‘d zikr olunan câriye mezkûr Yusuf Ağa’nın müşterâsı ve hakk-ı sırfıdır dedikde, mukırra-i mezbûr Saliha Hâtun ikrâr-ı meşrûhunda vekîl-i mezkûr vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ ve’l-ışrîn min şehri Rebî‘ulâhir li sene tis‘a ve hamsîn ve elf. Şuhûdü’l-hâl: Şaban Çavuş b. Davud, Derviş Bey b. Ahmed, Abdi Bey b. Ali, Ahmed Bey b. Abdullah.