Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 217 Hüküm no: 235 Orijinal metin no: [54b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İmeli bt. Hans’ın bağını Torinoz v. …? sattığı Mahrûse-i Galata mahallâtından Sultan Bayezid mahallesinde Ermeniler kilisesi kurbunda sâkine Eymeli? bt. Hanes nâm zimmîye meclis-i şer‘-i hatîr-i lâzımü’t-tevkīrde işbu sâhibü’l-vesîka Torinoz? v. Kesir? nâm Ermeni mahzarında tav‘an ikrâr ve i‘tirâf edip işbu akdin [sudûruna] değin yedimde ve taht-ı tasarrufumda olup vilâyet-i Anadolu’da Arabgir nâm kasaba sınırında Üçark nâm mevzi‘de vâki‘ bir tarafı Agob v. Ağavez bağına ve bir tarafı Şahbaz v. ( ) bağına ve bir tarafı Kaşıkçı oğlu ömer bağına ve bir tarafı tarîk-i âmma müntehî tahmînen üç dönüm cemî‘ mülk bağımı kâffe-i hukūkuyla mezbûr Torinoz? Zimmîye tarafeynden îcâb ve kabûlü hâvî bey‘-i bâtt-ı sahîh-i şer‘î ile bin iki yüz fıddî râyic fi’l-vakt cedîd akçeye bey‘ edip ol dahi nefsiyçün iştirâ eyledikden sonra semeni olan meblağ-ı mezbûr bin iki yüz akçeyi mezbûr Torinoz? yedinden tamâmen ahz u kabz eyleyip zikr olunan bağı mahallinde kabz ve tasarrufa mezbûr Torinoz? <> zimmîyi taslît eyledim dedikde mukırra-i mezbûrenin meşrûhunu el-mukarru lehü’l-mezbûr Torinoz? zimmî vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Hurrire fi’l-yevmi’s-sâmin ve’l-ışrîn min şehri Rebî‘ulâhir tis‘a ve hamsîn ve elf. Şuhûdü’l-hâl: El-Hâc İskender Bey el-muhzır, Yahya Bey b. Zekeriya el-muhzır, Mustafa Çelebi, Minas v. Hati, Agos v. ( ), Irman v. Bakran, Toros v. Avanos, Melkon v. Mosi.