Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 227 Hüküm no: 250 Orijinal metin no: [58a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Mehmed b. Ahmed’in, Mustafa Çelebi b. Hamza aleyhindeki alacak davasında sulh olduğu Mahrûse-i Halebü’ş-şehbâ’da el-Hüseyniyye mahallesinde sâkin sâbıkā Emir-i Cebbul? olan Hacı Mehmed b. Ahmed meclis-i şer‘-i hatîrde mahmiye-i İstanbul’da Kasab Timurhan mahallesinde sâkin işbu râfi‘ü’l-vesîka Mustafa Çelebi b. Hamza mahzarında tav‘an ikrâr ve i‘tirâf edip üçdür? mahrûsa-i Haleb’de vâki‘ câmi‘-i kebîr tevliyetini bana alıvermek için bin iki yüz Mustafa Çelebi’ye alâ tarîki’l-vesîka elli aded sikke-i şerîfi altın def‘ ve teslîm edip ol dahi yedimden ahz u kabz eyledikden sonra tevliyet-i mezbûreyi alıvermeyip meblağ-ı mezkûr yedinde kalmakla meblağ-ı mezkûru mezkûr Mustafa Çelebi’den da‘vâ edip edâdan imtinâ‘ edicek, beynimizde münâza‘ât vâki‘ olmuşidi. El-hâletü hâzihî beynimizde muslihûn tavassut edip meblağ- ı mezkûrdan beni merkūm Mustafa Çelebi ile meblağ-ı mezkûr meblağ-ı mezkûru elli şerîfî altın da‘vâsından otu riyâlî kuruş üzerine akd-i sulh inşâ eylediklerinde ben dahi sulh-ı mezkûru kabûl ve bedel-i sulh-ı merkūm otuz riyâlî kuruşu mezkûr Mustafa Çelebi yedinden meclis-i akidde ahz u kabz ve istîfâ edip meblağ- ımezkûr elli şerîfî altın damvâsından mezbûr Mustafa Çelebi’nin zimmetini ibrâ-i âmm-ı kātı‘ü’n-nizâ‘la ibrâ ve iskāt eyledim. Min ba‘d husûs-ı mezbûra müte‘allika mezbûr Mustafa Çelebi üzerine bi vechin mine’l-vücûh da‘vâ ve hakkım yokdur dedikde mukırr-ı mezbûr Hacı Mehmed’i ikrâr-ı meşrûhunda el-mukarru lehü’l-mezbûr vicâhen tasdîk ve şifâhen tahkīk edicek, mâ hüve’l-vâki‘ bi’t-taleb ketb olundu. Fî gurreti Cumâdelûlâ li sene tis‘a ve hamsîn ve elf. Şuhûdü’l-hâl: Osman Çelebi b. Şeyh Yusuf el-müezzin?, Yahya Bey b. el-Hâc Şerefeddin el-ma‘rûf, Yahya Bey [b.] Zekeriya, Hacı Mahmud Bey [b.] Ali.