Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 250 Hüküm no: 275 Orijinal metin no: [65b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin, Ümmühâni bt. Hasan Bey adlı küçüğe yeni vasî atadığı Mahmiye-i Kostantıniyye mahallâtından Murad Paşa-yı Atîk mahallesinde sâkin iken bundan akdem vefât eden Hasan Bey b. Perviz nâm kimesnenin Ümmühâni nâm sagīre kızının tesviye-i umûruna kıbel-i şer‘den mansûb vasî olan el-Hâc Mehmed b. Hamza, meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzır olup, hâkim huzûrunda vesâyet-i merkūmeden ferâgat ettiğinde hâkim-i mûmâ ileyh kendisini azledip Hoşalman? Hâtun bt. Abdullah nâm hâtunu sagīr-i mezbûrun zabt-ı ahvâli ve müteveffâ-i mezbûr babasından irs-i şer‘le kendisine intikāl eden emvâlin zabtı için rüşd ve bülûğuna kadar vasî nasb etti. Mezbûre de vesâyet-i merkūmeyi kabûl edip hizmet-i lâzimesini edâyı ta‘ahhüd etti. İşbu nasb, mezbûrenin vesâyete ehil olduğunun sâbit olmasından sonra vâki‘ oldu. Cerâ zâlike ve hurrire fi’l-yevmi’l-hâmis ve’l-ışrîn min şehri Rebî‘ilevvel sene tis‘a ve hamsîn ve elf. Şuhûdü’l-hâl: Ömer Halîfe b. Fazlullah el-müezzin, Mustafa Çelebi b. Abdülkerim, Ahmed Çelebi b. Hasan, Yahya Bey [b.] Zekeriya, İsa Bey b. Ahmed, Hacı Ahmed b. Perviz, Abdullah b. Mehmed