Rumeli Sadareti Mahkemesi 80 Numaralı Sicil (H. 1057-1059/M. 1647-1649) cilt: 15, sayfa: 254 Hüküm no: 284 Orijinal metin no: [66b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Saliha bt. Murad’ın muhâlaa yoluyla boşandığı Mahmiye-i Kostantıniyye mahallâtından Hâcce Hâtun mahallesinde sâkine olan Saliha bt. Murad nâm hâtun, meclis-i şer‘-i şerîf ve mahfil-i dîn-i münîfe hâzıra olup, hâmil-i kitâb Seyyid Mehmed Efendi b. Seyyid Mazhar Efendi nâm zevc-i dâhil-i bihâsı ile hul‘ eyledi. Zevc-i mezbûr da nikâhında ma‘kūdun aleyh olan râyicü’l-vakt bin beş yüz akçe mehr-i müecceli, aralarında ilm-i şer‘î ile ma‘lûm ve mu‘ayyen olan nafaka-i iddeti ve meûnet-i süknâsı mukabilinde zevce-i merkūmesi ile hul‘ eyledi. Zevce-i mezbûre bu sûretle yeni bir nikâh yapılmadan ve mehir ödenmeden helâlolmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mutâlebât, eymân ve muhâsamâtdsan umûmen, zevciyyetle alâkalı da’vâdan husûsen yek diğerinin zimmetini ibrâ-i âm ile husûmet ve nizâyı bertaraf edecek şekilde ibrâ etti. Cerâ zâlike ve hurrire fi’l-yevmi’r-râbi‘ min Cumâdelûlâ sene tis‘a ve hamsîn ve elf. Şuhûdü’l-hâl: Seyyid Mahmud Çavuş el-mübâşir, Hüseyin Çavuş b. Ali, Hüseyin Beşe b. Ali, Ali Bey [b.] Zekeriya