Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 98 Hüküm no: 18 Orijinal metin no: [4a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâkimin vasi üzerine nâzır atadığı Hâkim-i muvakkı‘ a‘lâhu hâze’l-kitâb el-mutevakkı‘ rızâi rabbihi’l-meliki’l-vehhâb, mahmiye-i Kostantıniyye mahallâtından el-Hâc Hüseyin mahallesinde sâkine olan Amabastaşina bt. Peryanvan nâm Nasrâniyeyi, bundan akdem mürd olan Drako nâm zimmînin Kasandra nâm sagīre kızının tesviye-i umûruna ve babası mezbûr Drako ve anası Sane bt. Milod’dan intikal eden emvâlinin hıfz u zabtına, kıbel-i şer‘-i şerîf ve mahfil-i dîn-i münîf kıbelinden mansûbe vasî olan yine mahalle-i mezbûre sükkânından Gorane bt. İspilob nâm Nasrâniye üzerine nâzıra-i hasbiyye nasbetti. Vasî-i merkūme bu sûretle umûr-i vesâyet-i mezkûreye nâzıra-i merkūmenin re’yi olmadan mübâşeret etmeyecektir. Mezbûre dahî nezâret-i mesfûreyi kabûl edip hizmet-i lâzimesini edâya müte‘ahhide oldu. Cerâ zâlike fi’l-yevmi’s-sâdis min-şehri Ramazâni’l-mübârek li-sene seb‘a ve sittîn ve elf. Şühûdü’l-hâl: Salih Efendi b. Salih el-kādî, Mehmed Efendi b. Veli Efendi el-kādî, Mustafa Çelebi b. Kalender, Hüdâverdi Ağa cündi, Mustafa Çelebi b. Abdullah, Ali Bey b. Ahmed, Osman Beşe çukadâr ve gayrühüm