Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 99 Hüküm no: 19 Orijinal metin no: [4a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Yusuf’un Opar kazasındaki arsasını Hüseyin Beşe b. Ali’ye sattığı Vilâyet-i Rumeli’nde Opar kazâsına tâbi‘ Nika nâm karyeden Hasan b. Yusuf nâm kimesne meclis-i şer‘-i hatîr-i lâzimü’t-tevkīrde karye-i mezkûreden işbu sâhibü’l-kitâb Hüseyin Beşe b. Ali mahzarında tav‘an ikrâr ve i‘tirâf, zikri âtî akdin sudûruna değin silk-i mülk yedimde münselik mülk ve hakkım olup karye-i mezkûrede vâki‘ bir tarafı Mehmed Bey b. ( ) mülküne ve bir tarafı müşterî-i mezkûr Hüseyin Beşe mülküne ve bir tarafı mezkûr Mehmed Bey tarlasına ve bir tarafı tarîk-ı âmma müntehî cemî‘ mülk arsayı kâffe-i hukūk ve merâfıkı ile mezkûr Hüseyin Beşe’ye bin dört yüz fıddî râyic [fi’l]-vakt akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ edip ol dahi vech-i muharrer üzere iştirâ ve kabûl eyledikden sonra semen-i mezkûr bin dört yüz akçeyi mezkûr Hüseyin Beşe yedinden tamâmen ahz u kabz edip arsa-i mezkûreyi mahallinde zabt ve tasarrufumdan mezkûr Hüseyin Beşe’yi taslît eyledim min-ba‘d arsa-i mezkûre mezbûr Hüseyin Beşe’nin mülk-i müşterâsıdır keyfe mâ yeşâ ve yahtâr mutasarrıf olsun dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’l-hâmis min şehri Ramazâni’l-mübârek li-sene seb‘a ve sittîn ve elf. Şühûdü’l-hâl: Mustafa Beşe b. Mehmed, İbrahim Beşe b. Abdullah, Nasûh b. Mehmed, Şa‘ban b. Ali, Hasan Beşe b. Mehmed, Mustafa Beşe b. Mehmed, Sefer b. Hasan ve gayruhüm.