Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 103 Hüküm no: 25 Orijinal metin no: [5a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Habib ile boşandığı kocası Ahmed Beşe b. Mehmed’in mehir ve nafaka hususunda birbirlerinin zimmetini ibra ettikleri Dâru’l-hilâfeti’l-aliyye mahmiye-i Kostantıniyye mahallâtından Şeyh Muhyiddin el-Kocevî mahallesinde sâkine Fâtıma Hâtun bt. Habib meclis-i şer‘-i hatîrde zevc-i mutallıkı işbu sâhibü’l-kitâb Ahmed Beşe b. Mehmed mahzarında tav‘an ikrâr ve i‘tirâf edip zevcim mezkûr beni tatlîk etmekle nikâhım ma‘kūd olup zimmetinde mütekarrir olan üç bin fıddî râyic [fi’l]-vakt mehr-i müeccel hakkımı zevcim mezkûr Ahmed Beşe yedinden tamâmen ahz u kabz eyledikden sonra nafaka-i iddetim ve meûnet-i süknâm için dahi rızâm ile üç yüz altmış akçe cem‘an üç bin üç yüz altmış akçe ahz u kabz edip zevciyyete müte‘allik âmme-i da‘vâdan herbirimiz âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâdis min şehri Ramazâni’l-mübârek li-sene seb‘a ve sittîn ve elf. Şühûdü’l-hâl: Mustafa Efendi el-keşşâf, Hasan Beşe b. Mustafa, Hüseyin Beşe b. Mustafa, Ali b. Ali ve gayruhüm mine’l-[hâzırîn.]