Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 115 Hüküm no: 39 Orijinal metin no: [7b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Sadık’ın Hadice bt. Eyüb’e borcunu ödemesi için süre verilmesi üzerine eşya davasından vazgeçtiği Mahmiye-i İstanbul’da Samatyakapısı kurbünde el-Hâc Hüseyin mahallesinde sâkine Âişe bt. Sadık nâm hâtun mahfil-i kazâda yine mahalle-i mezbûre sâkinelerinden işbu bâ‘ise’l-vesîka Hadice bt. Eyüb nâm hâtun mahzarında ikrâr ve takrîr-i kelâm edip mezbûre Hadice’ye cihet-i deyn-i şer‘îden bin üç yüz akçe deynim olup benim dahi mezbûre Hadice yedinde bi-tarîkı’l-vedî‘a bir turuncî şâlım ve bir kırmızı sofum ve bir kırmızı atlas üzerine işleme bir sırmalı kundak yorganım vardır deyu mezbûre Hadice’den da‘vâ ve taleb eylemişidim hâlâ benim deyn-i mezbûru hâlâ edâya iktidârım olmamağın mezbûre Hadice Hâtun meblağ-ı mezbûru târih-i kitâbdan yirmi gün tamâmına dek bana te’cîl etmeğin ben dahi mezbûre Hadice’den da‘vâ eylediğim eşyâ-i merkūme da‘vâsından mersûme Hadice Hâtun’un zimmetini ibrâ-i âm ile ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâdis min şehri Ramazâni’l-mübârek li-sene seb‘a ve sittîn ve elf. Şühûdü’l-hâl: Mehmed Efendi el-kādî, Ahmed Efendi el-kādî, Mustafa Efendi el-kādî, Ali Efendi el-kādî, İbrahim Bey b. Ahmed el-cündi, Osman Beşe çukadâr ve gayruhüm.