Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 126 Hüküm no: 53 Orijinal metin no: [9b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice Hatun’un vakfettiği evin oturması için Mustafa Efendi b. Ömer’e verildiği Dâru’l-hilâfeti’l-aliyye Kostantıniyye el-mahmiyye’de Kadırga Limanı kurbünde Bostancı Ali Ağa mahallesinde vâki‘ ashâb-ı hayrâtdan merhûme Hadice Hâtun vakf-ı lâzım ile vakf edip süknâ ve tevliyetini evvelâ nefsine ba‘dehâ sulehâdan bir recüle beher yevm rûhi’çün bir sûre-i Mülk tilâvet etmek üzere şart ve ta‘yîn eylediği bir tarafı Veli Ağa mülküne ve iki tarafı Mehmed Ağa Vakfı’na ve bir tarafı tarîk-ı âmma müntehî bir bâb fevkānî odayı ve tahtında bi’r-i mâyı ve kenîfi müştemil menzile tevcîh-i hâkimü’ş-şer‘le mutasarrıf olan Mehmed Ağa b. İlyas nâm kimesne fevt olup menzil-i mezbûr mahlûl olmağın sulehâdan olup süknâya eşedd-i ihtiyâc ile muhtâc olan işbu bâ‘isü’l-vesîka Mustafa Efendi b. Ömer’e menzil-i mezbûr tevcîh olunup tasarrufi’çün işbu vesîka-i enîka ketb ve yedine def‘ olundu. Fi’l-yevmi’s-sânî aşer min şehri Ramazâni’l-mübârek li-sene seb‘a ve sittîn ve elf. Şühûdü’l-hâl: Mehmed Efendi b. Mahmud el-imâm, Yusuf Çelebi b. Mehmed el-cündi, İbrahim Çelebi b. Veli kilarî, Halil Halîfe b. Hüseyin el-müezzin, Mehmed Çelebi b. Ali Ağa, Hâcı Yusuf b. Abdullah, Mehmed Efendi el-imâm, Yusuf b. Abdullah, İbrahim Ağa b. Ferruh.