Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 126 Hüküm no: 54 Orijinal metin no: [9b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gazal ve Karabet’in Rus asıllı cariyelerini azat ettikleri Mahmiye-i Kostantıniyye mahallâtından Kâtib Kasım mahallesi sükkânından Gazal ve Karabet veledey Sarkis nâm zimmiyân meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzırân olup, rıkkını mu‘terife, açık kaşlı, elâ gözlü, orta boylu, Rusiyyetü’l-asl hâmile-i hâze’l-kitâb Maroska bt. Mihali nâm câriye-i memlûkelerini ivazsız garazsız âzâd ettiklerini ikrâr ve i‘tirâf eylediler. Câriye-i mezbûre bu sûretle sâir harâir-i asliyyât-ı mükellefât gibi hürre oldu. Hakk-ı velâdan gayrı üzerinde kimsenin bir hakkı kalmadı. Cerâ zâlike ve hurrire fi’l-yevmi’r-râbi‘ aşara min-Şevvâli’l-mükerrem li-sene seb‘a ve sittîn ve elf. Şühûdü’l-hâl: (…), Ömer b. (…) el-muhzır, Osman b. (…), İbrahim b. Osman, Osman Beşe çukadâr, Mehmed b. Ham[za]