Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 138 Hüküm no: 68 Orijinal metin no: [12a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha bt. Mehmed Ağa’nın Rus asıllı cariyesi Kâtibe’yi azat ettiği Mahmiye-i İstanbul’da Derviş Ali mahallesinde sâkine fahrü’l-muhadderât Sâliha Hâtun bt. el-merhûm Mehmed Ağa tarafından zikri âtî i‘tâk ve tahrîri ikrâra vekîl olup mezbûrenin zâtını ma‘rifet-i şer‘iyye ile ârifân mahalle-i mezbûreden Mehmed Efendi b. Abdullah ve Mehmed Çelebi b. Ahmed şehâdetleri ile vekâleti sâbite olan Hasan Çelebi b. Mehmed nâm kimesne meclis-i şer‘-i hatîr-i lâzimü’t-tevkīrde bi’l-vekâle takrîr-i kelâm edip müvekkile-i mezbûrenin kendiye rıkkını mu‘terife olan göğ elâ gözlü açık kaşlı orta boylu Moskoviyyetü’l-asl işbu bâ‘isetü’l-vesîka Kâtibe bt. Abdullah nâm câriye-i memlûkesini hasbeten lillâhi te‘âlâ ve taleben li-merzâti Rabbihî’l-a‘lâ tahrîr ve i‘tâk ve silk-i harâir-i asliyyâta idrâc ve ilhâk edip ba‘de’l-yevm mezbûre Kâtibe sâir harâir-i asliyyât gibi hürre olup üzerinde [hakk-ı] velâdan gayrı hakkım kalmadı dedikde mâ-hüve’l-vâki‘ bi’t-taleb ketb olundu. Fi’l-yevmi’s-sâdis aşer min Ramazâni’l-mübârek li-sene seb‘a ve sittîn ve elf. Şühûdü’l-hâl: Mustafa Beşe b. Sefer er-râcil, Süleyman Çelebi b. Mehmed er-râcil, Ramazan Çelebi b. Mustafa el-cündi, Osman Beşe b. Osman, Mehmed Ağa b. Osman Ağa el-cündi, Hasan Ağa b. Hasan er-râcil, Hasan Çavuş b. Memi, Ahmed Çelebi b. Mehmed.