Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 163 Hüküm no: 102 Orijinal metin no: [16b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Reis ve Ahmed Reis’in buğday bedelinden Ekmekçi Hacı Mehmed’den elli bin akçe alacaklı oldukları Sefîne reîslerinden Osman Reis b. Mahmud ve Ahmed Reis b. Hüseyin meclis-i şer‘de İstanbul’da sâkin ekmekçi tâifesinden [Hâcı Mehmed b.] el-Hâc Ebîbekir mahzarında herbiri üzerine da‘vâ ve takrîr-i kelâm edip mezbûr Hâcı Mehmed zimmetinde yedimizden iştirâ ve kab eylediği buğday semeninden yetmiş bin râyic [fi’l]-vakt akçe hakkımız olup yirmi bin akçesini yedinden kabz, bâkī elli bin akçe zimmetindedir hâlâ taleb ederiz suâl olunsun dedikde gıbbe’s-suâl ikrâr birle cevâb vericek edâsıyla ilzâm olunup mâ-hüve’l-vâki‘ bi’t-taleb ketb olundu. Tahrîren fi’l-yevmi’s-sâlis ve’l-ışrîn min şehri Ramazâni’l-mübârek li-sene seb‘a ve sittîn ve elf. Şühûdü’l-hâl: Mustafa Efendi b. Muharrem, Mehmed Efendi b. ( ), Ahmed Efendi b. Mehmed Efendi ve gayruhüm.