Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 177 Hüküm no: 123 Orijinal metin no: [18b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun ile Mehmed Çelebi’nin anlaşarak boşandıkları (Muhâla‘a) Mahmiye-i Kostantıniyye mahallâtından Genceya? Hâtun mahallesinde sâkine olan Fâtıma bt. Mustafa nâm hâtun meclis-i şer‘-i şerîfe gelip Mehmed Çelebi b. Hüseyin nâm zevci ile muhâla‘a etti. Mezbûr Mehmed Çelebi dahî nikâhında ma‘kūdun aleyh olan râyicü’l-vakt bin iki yüz akçe mehr-i müecceli, nafaka-i iddeti ve meûnet-i süknâsı mukābilinde mezbûre Fâtıma ile hul‘ eyledi. Bu sûretle yeni bir nikâh kıyılmadan ve mehir tesbit edilmeden biribirlerine helâl olmayacak şekilde aralarında beynûnet hâsıl oldu. Sonra her biri diğerinin zimmetini hukūk-ı zevciyyete müte‘allik cemî‘ de‘âvîden ibrâ-yı âmm-ı kātı‘an li’n-nizâ‘i ve râfi‘an li’l-husûmeti ile ibrâ etti. Cerâ zâlike ve hurrire fi’l-yevmi’l-hâmis ve’l-ışrîn min-şehri Ramazâni’l-mübârek li-sene seb‘a ve sittîn ve elf. Şühûdü’l-hâl: Abdülkadir b. (…), Ali Bey b. Ahmed, Çukadâr Osman b. Sevindik ve gayrühüm mine’l-hâzırîn